Menu
Categories
Муҳаммаджон РАҲМОНОВ: ТИНИБ ТИНЧИМАС ТАЛАБА УКАМ ИСМАТ ХУШЕВГА
06/20/2015 Муаллиф ҳақида

Муҳаммад Раҳмон сармаст

Талаба укам Исмат Хушевга

Муҳаммаджон Раҳмонов

…Бемаҳалда тақиллар эшик,
Ва кўринар таниш бир чеҳра.
Кириб келар хонамга тирик –
Ҳаяжон, завқ у билан бирга.

Қичқирар у остонаданоқ,
Усти боши шалаббо, башанг:
– Ташқарида ёмғир, дўл, чақмоқ
Сиз бўлсангиз, яшанг-е, яшанг…

Уникидир доим уй тўри,
Таклифни ҳам турмайди кутиб.
Тиниб тинмас ўсмир сурури,
Қўяр мени тамом ганггитиб
.

Дам кулади, дам берар савол,
Баланд қўйиб овозларини.
Ҳушёр тортар кўриб бир маҳал
Столдаги қоғозларимни…

Жилмаяда гуноҳкорона
– Борай энди, мен кетдим, хайр…
Жўнайди у яна мастона,
Кўчаларда этгали сайр.

Термуламан маъюс ва карахт,
Анчагача у кетган издан.
Ёмғир – вақт, дийдор – вақт, гул ҳам – вақт,
Ошаяпмиз бизлар ўттиздан…

1980 йил. Тошкент.

муҳаммад раҳмон

“Дунё ўзбеклари” учун махсус

Юқоридаги суратда: Муҳаммаджон Раҳмонов (чапдан иккинчи) Тоштемир Шарипов, Абдулла Орипов, Исмат Хушев ва бошқалар Тошкентнинг “Вуз городок” шаҳарчасида…

Leave a Reply
*