Menu
Categories
“Дунё ўзбеклари” тақдим этади – Юсуф Жума: Янги шеърлар…
08/26/2015 Адабиёт
 
Юсуф Жума шу
 
Юсуф Жума,   Янги шеърлар. 
 
Орол кўкка йиғлаб кўз ёши битди: 
Жаҳонгирни қўмсар  Турон ерлари. 
Кўк буюк уммонни Темурбек этди
Жаҳонгирни қўмсар  Жаҳон ерлари. 
 
Ҳазрат Соҳибқирон Хоразмда ҳез
Сотқинлар ўрнига септиргандек туз
Туз сепар Туронга кечаю кундуз
Жаҳонгирни қўмсар  Жаҳон ерлари. 
 
Сотқин авлодларга қолди Туркистон
Соҳибқирон солар сотқинга қирон. 
Орол бўлиб жўшган Темурбек — Бўрон
Жаҳонгирни қўмсар  Жаҳон ерлари. 
 
Хоин зурёдлардан чиқмайди лашкар, 
Юртнинг қисматида ёғийдан баттар. 
Туз билан оламни олгай муқаррар
Жаҳонгирни қўмсар жаҳон ерлари. 
 
Иймонни ўлдирган хиёнат ахир, 
Туронни ўлдирган хиёнат ахир. 
Жаҳонни ўлдирган хиёнат ахир, 
Жаҳонгирни қўмсар  Жаҳон ерлари. 
23 август,  2015 йил. 
Ўғлим Алишерга
 
Ая,  ўғлим,  ўзингни ая, 
Мендек кирма  оловга зинҳор. 
Бу халқ билан яшаш — фожеа, 
Бари сотқин,  ҳаммаси  ғаддор. 
 
Тиклаб берсанг агар Туронни
Сотиб ейди уч кунда тайин. 
Биёбонда  яратдим ўрмон —
Бешта ўғлим  улкан беш қайин. 
 
Энг зўрда ҳам бўлар битта дил, 
Энг зўрдан ҳам  зўрдирман  беш бор. 
Ҳар ўғлим бир  довюрагим,  бил, 
Юрагимга бермагин озор. 
21 август,  2015 йил. 
 
Қўйнингда илондек тўлғонган жонон
Меҳмондир,  ўзга ин топиб кетади. 
Ўғлинг ҳам меҳмондир,  қизинг ҳам меҳмон
Жуфтин йўлларида парвоз этади. 
 
Лекин қўрқма,  дўстим,  қолмассан ёлғиз, 
Ёлғизлик бошингни еёлмас зинҳор. 
Ёлғизлик муборак руҳлардан ожиз
Ота онанг руҳи ёнингда пойдор. 
 
Кимсасиз хонамда  пойгакда,  эрта —
Кеч мудом тураман таъзимда шодмон. 
Қани тўрга ўтинг,  отажон,  ота, 
Қани тўрга ўтинг,  она,  онажон! 
23 август,   2015 йил. 
 
 
Ўлимга қўймайди  ўламан десанг, 
Баланд дарахт топсанг топилмас арқон. 
Зиндонда юракни тиламан десанг
Ханжар тополмайсан,  бермайди имкон. 
 
Озодликда йўқдир  озодлик аттанг, 
Яшагинг келади,  ғам — дилхўр,  тўймас. 
Кўк ўлишга қўймас  ўламан десанг, 
Гар яшайман десанг яшашга қўймас. 
24 август,  2015 йил. 
 
Агар бўлса озми кўп жонинг
Тинч қўймайди  аҳли ҳасадгўй. 
Заҳар бўлар бир бурда нонинг, 
Юлқийдилар отинг ҳам  бемўй. 
 
Тишларингни суғурадилар
Орасидан излайдилар кир. 
Сўнг бошингга дор қурадилар
Туширмаслар гўрингга ҳам нур. 
 
Шуҳрати чўнг Тангрига ҳатто
Ҳасад этиб оғринадилар. 
Шонсиз шайтон уларга худо, 
Шони йўққа сиғинадилар. 
20 август,  2015 йил. 
 
Гулнорага
 
Биз жаннатнинг тўрида–
Муҳаббат ошёнида. 
Ғаним ҳасад гўрида–
Сақарнинг  ўпқонида. 
 
Бизни бу дунёдаёқ
Беҳишт билан сийлади. 
Ёвни бу дунёдаёқ
Дўззах билан қийнади. 
 
Тангри яхши билади
Ким нимага арзирли. 
Аҳли тамуғ ҳеч қачон
Учмоқдан чоҳ қазирми?! 
 
Сен оташ ўзандирсан, 
Мен тошқин оташ дарё. 
Остонамиз остида
Чароғон кунли само. 
 
Ғанимларга  то абад
Жаҳаннам  эрур ҳасад. 
Муҳаббат нима — мангу
Икки кишилик  жаннат. 
19 август,  2015 йил. 
 
Шер бўлиш осонми,   бир ўрмон сиртлон, 
Тўда – тўда бўлиб қайраб турар тиш. 
Минг галасин енгсанг,  қасдингда милён, 
Шунча бошга қарши тоғдек битта бош. 
 
Шер бўлиш осонми,  сиртлонлар майли, 
Ўлимни этади барисига ин. 
Акиллар панада кўппаклар хайли, 
Уларга эътибор бермаслик қийин. 
21 август,  2015 йил. 
 
Зиндонларда бахтиёр эдим, 
Гарчи душман тириклай еди. 
Ахир у пайт эмасдим етим, 
Ҳали онам ўтмаган эди. 
 
Ғанимим деб беҳад шавқатсиз
Осмонларга ёғилар таънам. 
Озодликда яшайман бахтсиз
Чунки ўтди  толеим — онам. 
21 август,  2015 йил. 
 
Шеъринг кенгайтирсин юртнинг ерини, 
Сиқилган шеърингда сақлай олсин жон. 
Тушкинликка отгин  сўзинг — тирингни, 
Одамзотга фақат умидда омон. 
 
Ўқдай калта бўлсин, ўқдай тешсин тез, 
Ғаним юрагида айласин парвоз. 
Катта этгин юртнинг каттасидир соз, 
Калта этгин,  шеърнинг калтасидир соз. 
24 август,  2015 йил. 
 
Руҳимда бор икки қанот —
Бири Қуръон,  бири Ҳадис. 
Мангу ҳаёт,   мангу нажот —
Бири Қуръон,  бири Ҳадис. 
 
Икки дунём зафар билан, 
Жайхун билан,   Кавсар билан. 
Юксаламан қўш пар билан
Бири Қуръон,  бири Ҳадис. 
 
Юрагимда ўзларидир, 
Тилагимда ўзларидир. 
Фалагимда ўзларидир, 
Бири Қуръон,  бири Ҳадис. 
 
Мен аҳли дунёдан ўздим, 
Ҳазрати Мусодан ўздим. 
Тўққизта самодан ўздим, 
Бири Қуръон,  бири Ҳадис. 
 
Муқаддас сўзларин кўрдим, 
Сўзида ўзларин кўрдим. 
Муборак юзларин кўрдим, 
Бири Қуръон,  бири Ҳадис. 
 
Икки оламда дийдирман, 
Юсуф Оллоҳқулийдирман. 
Юсуфман  Оллоҳийман, 
Бири Қуръон,  бири Ҳадис. 
24 август,  2015 йил. 
 
Кўршапалак экан бу улус, 
Юлдуз бўлиб топмайсан қадр. 
Зулмат бўлсанг айлашар азиз, 
Қурум бўлсанг биладилар пир. 
 
Сарбони йўқ, карвони йўқ эл, 
Юлдузларни урарми бошга?! 
Келажакка олармиди йўл, 
Етса басдир  пашшага — ошга. 
 
Юртига боқ,  эсиз,  минг эсиз, 
Ғалатидир  Тангри этган иш: 
Осмонида бир осмон юлдуз, 
Заминида бир замин кўрқуш. 
24 август,  2015 йил. 
 
 
Уммон тошқин дарёни
Тошқин,  зўр деб олди тан. 
Кичрайиб қолгани йўқ, 
Улкан  уммон бу билан. 
 
Тошқин дарё,  уммонни
Чалдираб олмайсан тан. 
Уммон бўлиб қолмайсан
Эй шалдироқ бу билан. 
18 август,  2015 йил. 
 
 
Yusuf Juma,  Yangi she’rlar.
O’g’lim Alisherga
 
Aya, o’g’lim, o’zingni aya,
Mendek kirma  olovga zinhor.
Bu xalq bilan yashash — fojea,
Bari sotqin, hammasi  g’addor.
 
Tiklab bersang agar Turonni
Sotib yeydi uch kunda tayin.
Biyobonda  yaratdim o’rmon —
Besh o’g’lim  ulkan besh qayin.
 
Eng zo’rda ham bo’lar bitta dil,
Eng zo’rdan ham  zo’rdirman  besh bor.
Har o’g’lim bir  dovyuragim, bil,
Yuragimga bermagin ozor.
21 avgust, 2015 yil.
 
Qo’yningda ilondek to’lg’ongan jonon
Mehmondir, o’zga in topib ketadi.
O’g’ling ham mehmondir, qizing ham mehmon
Juftin yo’llarida parvoz etadi.
 
Lekin qo’rqma, do’stim, qolmassan yolg’iz,
Yolg’izlik boshingni yeyolmas zinhor.
Yolg’izlik muborak ruhlardan ojiz
Ota onang ruhi yoningda poydor.
 
Kimsasiz xonamda  poygakda, erta —
Kech mudom turaman ta’zimda shodmon.
Qani to’rga o’ting, otajon, ota,
Qani to’rga o’ting, ona, onajon!
23 avgust,  2015 yil.
 
 
O’limga qo’ymaydi  o’laman desang,
Baland daraxt topsang topilmas arqon.
Zindonda yurakni tilaman desang
Xanjar topolmaysan, bermaydi imkon.
 
Ozodlikda yo’qdir  ozodlik attang,
Yashaging keladi, g’am — dilxo’r, to’ymas.
Ko’k o’lishga qo’ymas  o’laman desang,
Gar yashayman desang yashashga qo’ymas.
24 avgust, 2015 yil.
 
Agar bo’lsa ozmi ko’p joning
Tinch qo’ymaydi  ahli hasadgo’y.
Zahar bo’lar bir burda noning,
Yulqiydilar oting ham  bemo’y.
 
Tishlaring sug’uradilar
Orasidan izlaydilar kir.
So’ng boshingga dor quradilar
Tushirmaslar go’ringga ham nur.
 
Shuhrati cho’ng Tangriga hatto
Hasad etib og’rinadilar.
Shonsiz shayton ularga xudo,
Shoni yo’qqa sig’inadilar.
20 avgust, 2015 yil.
 
Gulnoraga
 
Biz jannatning to’rida–
Muhabbat oshyonida.
G’anim hasad go’rida–
Saqarning  o’pqonida.
 
Bizni bu dunyodayoq
Behisht bilan siyladi.
Yovni bu dunyodayoq
Do’zzax bilan qiynadi.
 
Tangri yaxshi biladi
Kim nimaga arzirli.
Ahli tamug’ hech qachon
Uchmoqdan choh qazirmi?!
 
Sen otash o’zandirsan,
Men toshqin otash daryo.
Ostonamiz ostida
Charog’on kunli samo.
 
G’animlarga  to abad
Jahannam  erur hasad.
Muhabbat nima — mangu
Ikki kishilik  jannat.
19 avgust, 2015 yil.
 
Sher bo’lish osonmi,  bir o’rmon sirtlon,
To’da – to’da bo’lib qayrab turar tish.
Ming galasin yengsang,  qasdingda milyon,
Shuncha boshga qarshi tog’dek bitta bosh.
 
She’r bo’lish osonmi, sirtlonlar mayli,
O’limni etadi barisiga in.
Akillar panada ko’ppaklar xayli,
Ularga e’tibor bermaslik qiyin.
21 avgust, 2015 yil.
 
Zindonlarda baxtiyor edim,
Garchi dushman tiriklay yedi.
Axir u payt emasdim yetim,
Hali onam o’tmagan edi.
 
G’animimdab behad shavqatsiz
Osmonlarga yog’ilar ta’nam.
Ozodlikda yashayman baxtsiz
Chunki o’tdi  toleim — onam.
21 avgust, 2015 yil.
 
She’ring kengaytirsin yurtning yerini,
Siqilgan she’ringda saqlay olsin jon.
Tushkinlikka otgin  so’zing — tiringni,
Odamzotga faqat umidda omon.
 
O’qday kalta bo’lsin,  o’qday teshsin tez,
G’anim yuragida aylasin parvoz.
Katta etgin yurtning kattasidir soz,
Kalta etgin, she’rning kaltasidir soz.
24 avgust, 2015 yil.
 
Ruhimda bor ikki qanot —
Biri Qur’on, biri Hadis.
Mangu hayot,  mangu najot —
Biri Qur’on, biri Hadis.
 
Ikki dunyom zafar bilan,
Jayxun bilan,  Kavsar bilan.
Yuksalaman qo’sh par bilan
Biri Qur’on, biri Hadis.
 
Yuragimda o’zlaridir,
Tilagimda o’zlaridir.
Falagimda o’zlaridir,
Biri Qur’on, biri Hadis.
 
Men ahli dunyodan o’zdim,
Hazrati Musodan o’zdim.
To’qqizta samodan o’zdim,
Biri Qur’on, biri Hadis.
 
Muqaddas so’zlarin ko’rdim,
So’zida o’zlarin ko’rdim.
Muborak yuzlarin ko’rdim,
Biri Qur’on, biri Hadis.
 
Ikki olamda diydirman,
Yusuf Ollohquliydirman.
Yusufman  Ollohiyman,
Biri Qur’on, biri Hadis.
24 avgust, 2015 yil.
 
Ko’rshapalak ekan bu ulus,
Yulduz bo’lib topmaysan qadr.
Zulmat bo’lsang aylashar aziz,
Qurum bo’lsang biladilar pir.
 
Sarboni yo’q,  karvoni yo’q el,
Yulduzlarni urarmi boshga?!
Kelajakka olarmidi yo’l,
Yetsa basdir  pashshaga — oshga.
 
yurtiga boq, esiz, ming esiz,
G’alatidir  Tangri etgan ish:
Osmonida bir osmon yulduz,
Zaminida bir zamin ko’rqush.
24 avgust, 2015 yil.
 
 
Ummon toshqin daryoni
Toshqin, zo’r deb oldi tan.
Kichrayib qolgani yo’q,
Ulkan  ummon bu bilan.
 
Toshqin daryo, ummonni
Shaldirab olmaysan tan.
Ummon bo’lib qolmaysan
Ey shaldiroq bu bilan.
18 avgust, 2015 yil.
юсуф жума америкада
“Дунё ўзбеклари” учун махсус
 

 

"1" Comment
  1. Юсуф Жуманинг бир қаноти Қурон бўлса ва бир қаноти Ҳадис бўлса нега диндорларга қарши шеър ёзади. Диндорлар Дўстимни ҳалифаликка қарши курашгани учун ўлдиришмоқчи.
    Ахир диндорларнинг мақсади ҳалифалик қуриш-ку! Ҳалифалик қуриш Қуронда ва Ҳадисда келтирилган-ку! Юсуф Жума ҳақиқатдан мусулмон бўлса Дўстимга қарши курашиши керак. Жиҳодга бориши керак. Кофирларни ўлдириши керак. Буларнинг бачаси Қуронда ёзиб қўйилган.

Leave a Reply
*