Menu
Categories
Ҳамроқул Асқар: Салом баҳор, ассалом наврўз, Салом наврўз, ассалом баҳор!
03/22/2019 Адабиёт

САЛОМ БАҲОР,
АССАЛОМ НАВРЎЗ

Баҳор дея энтикар боғлар,
Салласини силкитар тоғлар,
Сир қолмади сирларда энди,
Кир қолмади қирларда энди –
Қайдан келди, қайлардан келди,
Илк севгига ўхшаган чоғлар!

Салом баҳор, ассалом наврўз,
Салом наврўз, ассалом баҳор!

Гўзал кўклам сеники бўлсин,
Неки кўркам сеники бўлсин,
Кўҳна ўлкам сеники бўлсин –
Қайдан келди, қайлардан келди,
Илк севгига ўхшаган чоғлар!

Салом баҳор, ассалом наврўз,
Салом наврўз, ассалом баҳор!

Осмонларга сиғмас бургутлар,
Фарғоналар, Жиззах, Ургутлар,
Дарёларни ташир булутлар –
Қайдан келди, қайлардан келди,
Илк севгига ўхшаган чоғлар!

Leave a Reply
*