Menu
Categories
ИИВ Қоровул Қўшинлари бошлиғи, генерал-майор Дмитрий Пан қамоққа олинди
11/23/2019 Бош мақола

Генерал-майор Дмитрий Пан қамоққа олинди

Генерал-майор Дмитрий Пан қамоққа олинди
Дмитрий Пан / Фото: Uznews
ИИВ Қоровул қўшинлари собиқ қўмондони генерал-майор Дмитрий Панга нисбатан жиноят иши қўзғатилди. Бу ҳақда Бош прокуратура расмий баёнотида айтилган.Қайд этилишича, Ўзбекистон Республикаси Ҳарбий прокуратураси томонидан 2019 йил 19 ноябрь куни ИИВ Қоровул қўшинлари собиқ қўмондони генерал-майор Дмитрий Панга нисбатан Жиноят кодексининг 301-моддаси (Ҳокимиятни суиистеъмол қилиш, ҳокимият ваколатидан ташқарига чиқиш ёки ҳокимият ҳаракатсизлиги) 1-қисми билан жиноят иши қўзғатилиб, дастлабки тергов ҳаракатлари олиб борилмоқда.

2019 йил 23 ноябрь куни Дмитрий Пан Жиноят кодексининг 301-моддаси 1-қисми билан айбланувчи тариқасида ишда иштирок этишга жалб қилиниб, Тошкент ҳарбий судининг ажримига асосан эҳтиёт чораси сифатида “қамоққа олиш” қўлланилди.

Тергов ҳаракатлари олиб борилмоқда, дейилади маълумотда.

Эслатиб ўтамиз, жорий йилнинг 22 ноябрь куни ИИВ Қоровул қўшинлари қўмондони сифатида ишлаб келган генерал-майор Дмитрий Валерьевич Пан ишдан олингани хабар қилинганди.

Шунингдек, ички ишлар вазирининг жамоат тартибини сақлаш бўйича ўринбосари полковник Муҳиддин Жўраев ва ИИВ Патруль-пост хизмати ва жамоат тартибини сақлаш бош бошқармаси бошлиғи полковник Бахтиёр Пормонов ҳам лавозимидан озод қилинди.

ИИВ Қоровул қўшинларининг собиқ қўмондони қамоққа олинди


ИИВ Қоровул қўшинлари қўмондони, генерал-майор Дмитрий Пан
ИИВ Қоровул қўшинлари қўмондони, генерал-майор Дмитрий Пан

Ўзбекистон Ҳарбий прокуратураси 19 ноябрь куни ИИВ Қоровул қўшинлари собиқ қўмондони генерал-майор Дмитрий Панга нисбатан жиноят иши қўзғатди.

Бу ҳақда Ўзбекистон Бош прокуратураси матбуот хизмати Телеграм каналида хабар қилди.

Бош прокуратура баёнотида Ўзбекистон Республикаси Ҳарбий прокуратураси томонидан 2019 йил 19 ноябрь куни ИИВ Қоровул қўшинлари собиқ қўмондони генерал-майор Д.Панга нисбатан Жиноят кодексининг 301-моддаси 1-қисми билан жиноят иши қўзғатилиб, дастлабки тергов ҳаракатлари олиб борилаётгани айтилади.

2019 йил 23 ноябрь куни Д.Пан ЖКнинг 301-моддаси 1-қисми билан айбланувчи тариқасида ишда иштирок этишга жалб қилиниб, Тошкент ҳарбий судининг ажримига асосан эҳтиёт чораси сифатида “қамоққа олиш” қўлланилган.

Ўзбекистон Жиноят кодексининг 301-моддаси 1-қисмига – бошлиқ ёки бошқа мансабдор шахснинг ўз ҳокимият ёки хизмат мавқеини суиистеъмол қилиши, ҳокимият ёки хизмат ваколати доирасидан четга чиқиши, шунингдек ҳокимият ҳаракатсизлиги Қуролли Кучларнинг манфаатларига, ҳарбий хизматчи ёки бошқа фуқароларнинг ҳуқуқлари ёки қонун билан қўриқланадиган манфаатларига кўп миқдорда зарар ёки жиддий зиён етказилишига сабаб бўлса – уч йилгача хизмат бўйича чеклаш ёки олти ойгача қамоқ ёхуд беш йилгача озодликдан маҳрум қилиш билан жазоланади, деб таъриф берилган.

Бош прокуратура хабрига кўра, тергов ҳаракатлари олиб борилмоқда.

Озодлик 21 ноябрь куни Президент Шавкат Мирзиëев қарори билан Ички ишлар вазири ўринбосари¸ ИИВ Патруль-пост хизмати ва жамоат тартибини сақлаш бош бошқармаси бошлиғи ва Қоровул қўшинлари қўмондони – жами ўнга яқин юқори лавозимли амалдор ишдан олингани ҳақида хабар берган эди.

Leave a Reply
*