Menu
Categories
Абдулла Орипов: Ҳар олган нафасинг ўзи ибодат, Дунёда топганинг Ватандир танҳо!
03/02/2015 Абдулла Орипов: “Онажоним – шеърият!”

 

 шеър учун гул

 

                                                                           АбдуллаОРИПОВ,

                                                      Ўзбекистон Қаҳрамони, Халқ шоири

 

                    АЙИРМА

 

Баҳра ол ҳаётнинг неъматларидан,
Яшаб юр, оламни ҳис қилиб, кўриб.
Ва лекин, пайт келиб, бунинг баридан
Айрилиб қолмагин тириклай туриб.
Таниш-билишлар-ку бордир тумонат,
Ким ҳам садоқатга бергай кафолат.
Ҳатто қасам ичган дўст ҳам омонат,
Айрилиб қолмагин тириклай туриб.
Қайдадир омадинг юлдузи имлар,
Парда бўладилар, лекин ҳар кимлар.
Бир кун ёдга тушар ўша ғанимлар,
Айрилиб қолмагин тириклай туриб.
Ҳар олган нафасинг ўзи ибодат,
Қалбингда яшайди пинҳон муҳаббат.
У – илҳом, у– ҳикмат, у – куч, у – қудрат,
Айрилиб қолмагин тириклай туриб.
Дунёда топганинг Ватандир танҳо,
Сенга халқинг ўзи суянч аввало.
Хокинг шу тупроққа бўлғусидир жо,
Айрилиб қолмагин тириклай туриб.

 

 

25.02.2015

“Дунё ўзбеклари” учун махсус

Leave a Reply
*