9.
Узоқ йиллардан бўён ижтимоий ва иқтисодий масалалар бўйича Ўзбекистон Президентининг Давлат маслаҳатчиси бўлиб келаётган Вячеслав Аркадьевич Голышев ҳақидаги ҳикоямизни якунлашдан олдин яна бир гапни айтиб ўтишни истардик.
Вячеслав Аркадьевич Президент орбитасида Ислом акага энг яқин мулозим бўлиб, у ўзининг иқтисод ҳақидаги ҳар қандай фикри ва башоратини Давлат раҳбарига бемалол ўтказа олиш қудрати ва қобилиятига эга.
Ислом Каримовнинг 25 йиллик ҳукмдорлиги даврида иқтисод мавзуидаги деярли барча маърўза ва матнлари, мақола ва асарлари муаллифи, сўзсиз, Вячеслав Аркадьевич Голышев. Бунга заррача ҳам шубҳа бўлиши мумкин эмас.
Лекин айни пайтда, Ўзбекистоннинг бугунги ижтимоий ва иқтисодий ҳаётидаги кўплаб муаммо ва инқирозларни кузатарканман, Ислом ака ўзи тахтда қолганига яраша, энди ўз атрофидаги Голышевга ўхшаган 25 йиллик маслаҳатчи мулозимларини секин аста ўзгартириб, янгилай бошласа ёмон бўлмасди.
Нега бундай фикрга келганимни эса қуйидаги сабаблари бор…
10.
Бугун Ўзбекистон Олий раҳбариятида узоқ йиллардан бўён ўз ўрнида муқим қолиб келаётган мулозимлар ўз даври ва ўз ғояси билан бирга қариди.
Янаям аниқроқ қилиб, гапнинг тўғрисини айтганда Ислом ака — ўзининг кўп йиллик муқим туриб қолиши билан ўз атрофидагиларни қаритди. Том маънода айтганда Олий раҳбариятдагиларнинг ғояси ҳам тугаб битди. Бир ғояни қайта қайта чайнашдан фойда йўқ энди.
Ҳатто бир бирига тескари ва қарама қарши ғоялар ҳам пайдо бўлди.
Чунончи, Ўзбекистонда ҳеч қачон ўта бой ҳам, ўта камбағал ҳам бўлмайди деган сўз энг олий минбарлардан қайта қайта таъкидланса ҳам, Ўзбекистон барибир ўта бойлар ва ўта камбағаллар ватанига айланиб улгурди. Давлат раҳбарининг сўзига – жамиятдаги асл воқелик тўғри келмай қолди.
Қайсики мамлакатда ўта бойлар сони авж олган сари, биз истаймизми, йўқ — ўта қашшоқлар сафи ҳам шитоб билан кенгайиб боради. Бу аксиома — Ўзбекистон тажрибасидан ҳам маълум бўлди.
Бутун дунё олигархларидан Ўзбекистон бойларининг фарқи шундаки, улар дунёнинг энг илғор ғоялари ва технологиялари асосида ниманидир ишлаб чиқарган бўлиши мумкин. Улар дунёни нима биландир таъминлашган. Ниманидир кашф қилишган ва одамлар фойдаланиши ва манфаат кўриши учун ишлаб чиқаришган.
Ўзбекистон бойлари эса бу борада бугунга қадар том маънодаги жумбоқ. Салимбой, Мираброрбой ва Зафарбойлар нимани ишлаб чиқарганини уларнинг на Ватандошлари ва на сафдошлари билишади…
11.
Бироқ қўлини қўлига урмай, мамлакатнинг 95 фоиз бойлигини ўз тасарруфига олган бугунги замонавий ўзбек бойларининг – мустақиллик давридаги бойлик тарихи қай даражада сир бўлса, айни пайтда Президентнинг Ўзбекистонда ўта бойлар бўлмайди деган ақидаси ҳам ўз мазмун моҳиятига кўра, шу даражада сирли ва синоатлидир…
Биз истаймизми, йўқми Ўзбекистонда қашшоқлар ва қашшоқлик даражаси аслида кун сари ортиб бораяпти. Ҳаттоки, бугун “Дунё ўзбеклари”да эълон қилинган мақолада Исфандиёр тўғри таъкидлаганидек, Совет даврида таъминоти жиҳатидан мамлакатнинг энг пешқадам қисми бўлган халқ ёзувчилари Шукур Холмирзаев, Рауф Парфи, Чўлпон Эргаш, Маъруф Жалил, Зоҳир Аълам, Мамадали Маҳмудов ва ҳокозалар очлик қурбонига айланган бир пайтда қолган бошқа ёзувчилар ҳақида нима ҳам дейиш мумкин!?
Бир сўз билан айтганда зиёли ва ёзувчилар ҳозир мутлақо таъминотсиз…
Буларнинг ҳаммаси — бугунги қаҳрамонимиз Вячеслав Аркадьевич Голышев ва бошқа “Голышевчилар” Ўзбекистонда олиб борган 25 йиллик иқтисодий ислоҳотларининг бизга насиб этган аччиқ ва тахир меваларидир…
Исмат Хушев,
«Дунё ўзбеклари»Бош муҳаррири,
31 май. 2015 йил, Торонто шаҳри, Канада
Ушбу бузгунчиларнинг хакикий килмишларини Президентга етказа оладиган бирон бир инсон булмаса? Булар бор йуги 100-200 кимса! 30 миллиондан зиёдрок халкнинг бугунику мардикорчилик ва йукчиликда утиб бораяпди, келажак бунданда дахшатлирок булиши мумкин. Бу диверсантларнинг барчасининг борадиган ВАТАНЛАРИ, УМАРГАН МИЛЛИАРДЛАРИ БОР! Халкнинг нимаси бор? Бизнинг бойлар, ОЛИБ-СОТАРЛАР, корхоналар атайлаб йук килинди ва килинмокда! Сумимиз чорак асрда жаханнамдан хам чукуррокга йикилди! Мамлакат хавф остида SOS!!
Mamayoqub, his qilmaganingni gapirma! Birnecha yillardan beri vatangadoligingni hisobga olsak, vatandagi ijobiy o’zgarishlarni ham, o’zing o’ylab yuradigan va faqat sendaqalarga ko’rinadigan (nimagadir!!!) yuqoridagi aytganing manzarani ham his qilish imkoniyatidan mahrumsan! Shuning uchun his qilmaganingni gapirma! SOS bizgamas, senga kerak!
Aziz! Сенинг шархингга жавоб ёзай десам кимлигинг ноъмалум! Менинг ёзган шархларимни эса бугунги кунларимиз белгилаб турибди. 1994 йилда БИР УЗБЕК СУМИ = БИР РУС РУБИЛИ ЁКИ ОЛТИ АКШ ДОЛЛАРИГА ТЕНГ ЭДИ. Бизнинг юртимизнинг ривожланиши жуда илгор ва халкимиз уз уйларида эди. Бугун мен турадиган кишлокда 400 га якин махаллий ахоли бор, уларникида ишлаётган 200 га якин узбек бор. Козогистонда эса, козок тилини яхши билганим учун улар мени козок деб уйлашади. БИР БИРЛАРИДАН, НЕШИ УЗБЕГИНГ Ё КУЛИНГ БОР ДЕБ СУРАШАДИ!
Ismat aka har galgidek yaxshi chiqipti, ayniqsa boylarimizni ismlarini to’g’ri keltirgansiz, avvalgi ba’zi maqolalaringizdan farqli o’laroq!
Chunki avvalari ba’zi halol rahbarlarimizni ham, jumladan Sh.Mirziyoyev, B.Matlyubovlarni ham shular safiga qo’shib noto’g’ri talqin qilgan edingiz… Bir tuzattirish kiritmoqchiman, Guskova Tatyana Nikolayevna hali ham Moliya vazirining birinch o’rinbosari, 1990-yildan beri tushgani yo’q.
Қанақанги иқтисодни малаҳатчиси, давлат бошлиғини ўзи иқтисодчи ку! Ўзбекистонда ўтказилган ислоҳатлар бари, чала ярим, алмисоқдан қолган, планли совет иқтисоди асосигам қўрилиб, бир груҳ амалдорларни ўта бойиб кетишини таъминлади.
Mamayoqub aka, 1994-yilgi bir rus rubliga nimalar berardiyu, hozirgi bir rus rubliga nima beradi?! 1994-yilgi 6 AQSh dollariga nimalar berardiyu, hozirgi 6 AQSh dollariga nima beradi?! Siz «TABIIY DAVRIY INFILYATSIYA» degan narsani bilasizmi o’zi yo yo’qmi! Nimaga dollar va rublning, yoki boshqa rivojlangan davlatlar valyutasining shu yillardagi qadrsizlanishini tanqid qilmaysizlar, shuni tushunmayman!
Endi migratsiya to’g’risida,.. Nechi mln Amerika fuqarosi Yevropada, nechi mln Yevropa fuqarosi Amerikada ishlashini eshitmaganmisiz?! Bu sizningcha narmal jarayonmi, agar normal bo’lsa, nega O’zbekistondan fojea yasaysiz?! Normal bo’lmasa, nega ularni tanqid qilmaysiz?! Migratsiya ham tabiiy jarayon, bundan hech bir davlat mustasno emas! Va siz mustasno bo’lgan atigi bir davlatni ham misol keltira olmaysiz menga!
Agar ushbu migrantlarning yo’li to’silsa, ularning chetga chiqishiga qarshilik ko’rsatilsa, siz, sizga o’xshaganlar va siz yashayotgan davlat, hamda shunday davlatlar “INSON HUQUQLARI” buzilyapti, kirish-chiqishda erkinlik bog’ilyapti deb ayyuhannos solishni boshlaysiz, shunday emasmi?! Xo’sh, endi iymon bilan aytingchi, sizlar bilan qanday muomala qilish mumkin, qachon ig’vo, fitnalarni to’xtatasiz???!!!