«Дунё ўзбеклари» Бош муҳаррири Абдулла Ориповни йўқлаб АҚШга келди
Авг 20, 2015
«Дунё ўзбеклари» Бош муҳаррири Абдулла Ориповни йўқлаб Хьюстон (АҚШ)га келди
«Дунё ўзбеклари»дан:
Шу кунларда Хьюстон (АҚШ)да даволанаётган улуғ шоиримизни йўқлаб, у кишининг саломатликлари билан қизиқиб нашримизга кейинги бир ойда юздан зиёд хат ва хабарлар келди, СМС ва телефон қўнғироқлари бўлди.
Қаршидан Зилола, Бухородан Ойдин, Шахрисабздан Акмалжон, Китобдан Собир, Косоннинг Некўз қишлоғидаги бир гуруҳ мактаб ўқувчилари, Олтиариқдан Бегали, Қўқондан Сулув, Учкўприкдан Одилжон, Хоразмдан Шоҳсанам ва Фарҳод, Жиззахнинг Бўстонидан таниқли ёзувчи Абулқосим Мамарасулов, Самарқанддан Гуландом, Навоийдан Султонмурод, Андижондан Шавкатбек ва Моҳигул, шоир Суҳайлий, Тошкентдан таниқли табиб Абдуқодир Сатторов, шоир Ҳамроқул Асқар, Дилором, Азиза, Муниса, Бобир, Шуҳрат, Камолиддинлар, АҚШнинг Хьюстон шаҳрида яшовчи наманганлик Дилбар, Манчестердан Гулбаҳор, Канаданинг Монтералидан Лариса, Жумагул ва Баҳодирлар, Торонто шаҳридан Умида Турсунова, Олмониядан Нафиса Қодировна, Дубайдан Салтанат, Зулайҳо, Франциядан Эргаш Тўхтабоев, Буюк Британиядан профессор Аҳмад Ҳожи Хоразмий, Швециядан ака ука Билолиддин, Шарофиддин ва Камолиддинлар, Норвегиянинг Осло шаҳридан Отабек Тошев, Туркиядан Замира Одилова ва Муҳаммаджон Калоновлар оиласи, Шотландиядан Отабек ва Наргизалар, Қозоқистондан Лало, Гулмира, Абдужаббор ва Шарофатлар, Бразилиядан Марат, Дурбеклар ҳам «Дунё ўзбеклари»га мактуб йўллаб, Абдулла Орипов ва унинг сиҳат саломатлиги билан жиддий қизиқишган эдилар.
Бу ҳали қўл остимизда тўпланиб қолган хат ва хабарларнинг бир қисми, холос. Худди шу мазмундаги яна ўнлаб хатлар борки, бу — халқимизнинг улуғ шоир тақдирига бефарқ эмаслигидан далолат беради.
Ана шуларни ҳисобга олиб, «Дунё ўзбеклари» Бош муҳаррири 18-25 август кунлари бир ҳафталик ижодий сафар билан Америка Қўшма Штатларининг Хьюстон шаҳрида бўлишни режалади.
Абдулла Ориповнинг сиҳат саломатлиги, у кишининг бугунги кайфияти ва умуман улуғ ўзбек шоири билан боғлиқ барча савол жавобларга Исмат Хушев яна бир неча соатлардан сўнг эълон қилинажак ўз сафар таассуротларида баҳоли қудрат жавоб беришга ҳаракат қилади.
Один комментарий к “«Дунё ўзбеклари» Бош муҳаррири Абдулла Ориповни йўқлаб АҚШга келди”
Ўзбек халқининг жасоратли журналисти, Абдулла Ориповнинг фидойи ва садоқатли шогирди Исмат Хушевга: Абдулла ака Москвада даволанганида ҳам сен унинг ёнида эдинг. Устоз хаста чоғида ёзган шеърларини пешма — пеш сайтингда эълон қилиб, олисдан бўлсада руҳан қўллаб турганлигинг барчамиз учун ибратли иш бўлди. Тақдир ёзуғини қара, бугун устоз даволанаётган Хьюстон шаҳрига учиб бориб, ул зотнинг ҳасбу -ҳолидан бутун дунёни хабардор этиб турибсан! Шу баҳона устозга бизнинг саломимиз ва дуоларимизни етказ! Ана шундай эъзгу ишларингда Яратганнинг Ўзи сенга ҳамиша мададкор бўлсин!
Ўзбек халқининг жасоратли журналисти, Абдулла Ориповнинг фидойи ва садоқатли шогирди Исмат Хушевга: Абдулла ака Москвада даволанганида ҳам сен унинг ёнида эдинг. Устоз хаста чоғида ёзган шеърларини пешма — пеш сайтингда эълон қилиб, олисдан бўлсада руҳан қўллаб турганлигинг барчамиз учун ибратли иш бўлди. Тақдир ёзуғини қара, бугун устоз даволанаётган Хьюстон шаҳрига учиб бориб, ул зотнинг ҳасбу -ҳолидан бутун дунёни хабардор этиб турибсан! Шу баҳона устозга бизнинг саломимиз ва дуоларимизни етказ! Ана шундай эъзгу ишларингда Яратганнинг Ўзи сенга ҳамиша мададкор бўлсин!