Исмат Хушев
Аршимда оилам, қаршимда ёрим,
Яна нима керак менга ушбу дам.
Фақат юрт армони — дилдаги зорим,
Фақат Ватанини қўмсаркан одам…
Атрофда сукунат, фусункор бир тун,
Тўлқинлар бағрига ғарқ бўлган уммон.
Мен яшаб юрибман ҳаётга мафтун,
Фақат сен армоним, эй Бободеҳқон!
Фақат сен бечора ўзбегим менинг,
Тақдирингни ўйлаб юрак бағрим қон.
Қачон биринг икки бўлади сенинг,
Эй, менинг Ватаним, жон Ўзбекистон!
Олис Канаданинг сўлим шаҳридан,
Ёруғ бир истиқбол тилайман ҳамон.
Сен ҳам халос бўлгин золим қаҳридан,
Сенга ҳам жилмайсин бу гўзал замон…
Sheringiz yanshi . ohirgi tort katori — yanayam yahshi . Fazliddin Yokub . Amerikadan .
Bu sher istiqlol bayramiga yaxshigina sovga bulibdi.
Qulingiz dard kurmasin Ismatjon aka.