فره‌نسيه رواجلنتیریش اگېنتلیگی نینگ (افد) اېکسپېرتلری بېنوه فېور-دیوپېگر و گه‌ېل بلینا اگېنتلیک نینگ تاشکېنتده‌گی بوروسی رهبری رفه‌ېل جازه‌ن باشچیلیگیده نمه‌نگن ولایتیگه تشریف بویوریشدی.
واديمېدیه.اوز سایتی باش محرری انور اکراماو اۉزبېکستانده اگرر ساحه‌ده اصلاحاتلر اۉتکزیش، قیشلاق خۉجه‌لیگی دیوېرسیفیکه‌تسيه‌سی استراتیژيسینی ایشلب چیقیش، رقابت‌برداشلیکنی رواجلنتیریش بۉییچه لایحه‌لرنی عملگه آشیریشگه کۉمکلشیش اوچون جایلرده اۉرگنیش آلیب باره‌یاتگن بو فرانسوز مالیوي انستیتوتی وکیللری بیلن اوچره‌شدی.
— مېن اوچون نمه‌نگن بېگانه اېمس، — دېب گپ باشله‌دی رفه‌ېل جازه‌ن، — اۉن بېش ییل اوّل طلبه‌لیک دوریمده بو اېرده عملیات اۉته‌گنمن. بوگونگی قیشلاق خۉجه‌لیگینی اۉشه دور بیلن سالیشتیره‌دیگن بۉلسه‌ک، اۉزگریشلر کتّه، سېزیلرلی دیوېرسیفیکه‌تسيه آلیب باریلماقده. ساحه‌گه زمانه‌وي تکنالوژي‌لرنی جاري اېتیلماقده. مملکتینگیزده آلیب باریله‌یاتگن قیشلاق خۉجه‌لیگی ترقیاتیگه فره‌نسيه رواجلنتیریش اگېنتلیگی حصه هم قۉشه آلسه، بوندن ممنون بۉله‌میز. اگېنتلیگیمیز تاشکېنت بوروسیگه حاضر فره‌نسيه‌دن کوچلی اېکسپېرتلر کېلیب قۉشیلگن. اولر یاردمیده ولایتلرده بۉلیب، قۉللب-قوّتلنیشی مقصدلی بۉلگن لایحه‌لر بیلن تنیشماقده‌میز. مقصدیمیز ولایتلرده لاگیستیکنی رواجلنتیریش، قیشلاق خۉجه‌لیک محصولاتلرینی، قاله‌وېرسه، محصولاتنی یېتیشتیریش جریانینی سېرتیفیکه‌تلشنی خلق‌ارا اندازه‌لرده تشکیل اېتیش بۉییچه همکارلیک قیلیش.
— اوّلامبار، یوکسک مهمان‌دۉستلیک اوچون اۉز تشبث‌کاریمیزنی اظهار اېتیشیمیز لازم، — دېیدی فره‌نسيه رواجلنتیریش اگېنتلیگی نینگ قیشلاق خۉجه‌لیگی، قیشلاق ترقیاتی، بیاخیلمه-خیللیکنی برقرار رواجلنتیریش دیپارتمنتی وکیلی بېنوه فېور-دیوپېگر. – اۉتگن هفته تشریف بویوردیک مملکتینگیزگه. اۉرگنیشلریمیزنی تاشکېنت ولایتیده باشله‌دیک. کۉرگنلریمیز مملکتینگیز نینگ قیشلاق خۉجه‌لیگی باره‌سیده‌گی سیاستینی توشونیب یېتیشگه اساس بۉلدی. اۉزبېکستان قیشلاق خۉجه‌لیگینی قَی یۉنه‌لیشده رواجلنتیرماقچی، بو باره‌ده قنده‌ی ایشلر عملگه آشیریلماقده، بو حقده بیزده تصور پیدا بۉلدی. قیشلاق خۉجه‌لیگی متخصصلری بۉلگنیمیز اوچون بو ساحه‌ده‌گی یوتوقلرینگیزنی کۉریشنی ایسته‌گندیک. اعتراف اېتیش کېره‌ک، یورتینگیز نینگ قیشلاق خۉجه‌لیک ساحه‌سیده صلاحیتی، فایده‌لنیلمه‌گن امکانیتلری جوده یوقاری. دیوېرسیفیکه‌تسيه‌نی ینه‌ده کوچه‌یتیریش آرقه‌لی کتّه اۉسیشگه اېریشسه بۉله‌دی. بو باره‌ده بیز هم کۉمک بېریش نیتیده‌میز.
— اۉزبېکستان قیشلاق خۉجه‌لیگیده قَیسی جبهه‌لرده اینوېستیتسيه طلب اېتیله‌دی، قیشلاق خۉجه‌لیگینی جهان درجه‌سیگه آلیب چیقیش اوچون نیمه‌لر کېره‌کلیگی باره‌سیده فره‌نسيه اۉزی نینگ کتّه تجربه‌سی بیلن اۉرتاقلشیشگه تیار. – دېب، اۉز فکرینی بیان قیلدی فرانسوز اگېنتلیگی اقتصادچیسی، تدقیقاتچی گه‌ېل بلینا.
مهمانلر نمه‌نگن ولایتده‌گی قطار ایلغار اگراسناه‌ت کومپلېکسلریده بۉلیب، ولایت قیشلاق خۉجه‌لیگی نینگ بوگونگی حالتی بۉییچه اۉرگنیش ایشلری آلیب باره‌دیلر، همکارلیک استقباللرنی محاکمه قیله‌دیلر.
©واديمېدیه
Very bad news
Uzbekistan not afgani County please remove Arabic alphabet and Persian text and terminologies from uzbek language so, add the Russian or English terminology in uzbek words and phrases
ALLOH sizlardan rozi bolsin . Juda katta hayirli ishga kol uribsizlar . Kelajakda inshaAlloh bizlarning tarihimizni okiy oladigan avlodlar etishadi . Hakikiy tarihimiz Arab harfidagi imloda yozilganini butun olam va barcha farosat ahllari juda yahshi biladilar . Shunday ekan bizlar benasib kolgan u gozal tarihimizdan kelagak avlodlarimiz bahramand bola olsinlar . Albatta bu oris va lotinni ozgartira oladigan pokiza bir gasur naslni Rabbimiz chikarishiga muakkak ishonamiz . Ozining hakiky tarihini va kimning avlodi ekanligini bilib etishgan avlodni hech kim nahak yolidagi talimotiga bura olmaydi . Uzok yillardur oz tarimizdan va tilimiz , dinimiz , harflarimizdan ajralishning okibatlarini korib achinib yashayotganimizni barchalarimiz sezib indayolmaydigan holatlarga keltirildik . Bunday izohlardan kayfiyati buziladiganlarni ham hammalarimiz anik bilamiz . Nima ham kilaylik ? — ahir togrilik bor erda egrilik ham bolmay iloji yokdur …
Arablashtirish yangi bosqichga chiqdi….