Қашқадарёда аянчли ЙТҲда тўрт киши ҳалок бўлди. Бу ҳақда вилоят ИИБ маълумот берди.
Қашқадарё вилояти Кўкдала туманида Lacetti бошқарувни йўқотиши оқибатида Nexia билан тўқнашди.
ЙТҲ Кўкдала — Каттақишлоқ автомобиль йўли 10-километрида содир бўлган. Lacetti автомашинаси ҳайдовчиси бошқарувни йўқотиб, қарама-қарши йўналишга чиқиб кетган. Рўпарасидан келаётган Nexia’га йўл бермай, у билан тўқнашув юзага келтирган.
Ҳолат оқибатида жами 8 киши жароҳатланган, 4 киши вафот этган.
Nexia машинасидаги 1 нафар йўловчи ҳам ҳалок бўлган. Ҳайдовчи ва орқа ўриндиқдаги йўловчи эса шифохонада даволанмоқда.