Тошкент давлат аграр университети ҳудудидаги ёнғин ўчирилди. Бу ҳақда ФВВ хабар берди.
Аввал берилган хабарга кўра, ёнғин-қутқарув экипажлари соат 20:17да ҳодиса жойига етиб бориб, ёнғин соат 21:36 да қуршаб олинганди. Соат 22:10 да ёнғин батамом ўчирилган.
Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмади.
Ёнғинни бартараф этиш жараёнини Фавқудодда вазиятлар вазири генерал-майор Абдулла Қўлдошев бевосита жойидан бошқариб борди, дейилади хабарда.