АҚШ давлат қарзи икки кун ичида рекорд даражадаги 347,6 млрд долларга ўсди. Бу ҳақда АҚШ ғазначилиги маълумотларида маълум қилинган.
30 сентябрь, душанба куни, эски молия йилининг сўнгги кунида АҚШ қарзи ҳажми 143,3 миллиард долларга кўпайди, 1 октябр, янги молия йилининг биринчи кунида қарз яна 204,3 миллиард долларга ошди.
Таққослаш учун: 2023 йилда молия йили бошидан суверен қарзнинг ўсиши 315,7 миллиард долларни, 2022 йилда эса 252,5 миллиард долларни ташкил этди.
Шундай қилиб, молиявий йилда содир бўлган ўзгариш АҚШ давлат қарзи тарихидаги энг қимматга айланди. Натижада қарз 35,67 триллион долларга етиб, рекорд даражага етди.