Жанубий кореялик ёзувчи Хан Ганг 2024 йилги адабиёт бўйича Нобел мукофотини қўлга киритди. Бу ҳақда мукофотни топширувчи Стокгольмдаги Қироллик Каролинска тиббий-жарроҳлик институти хабар қилди.
Мукофот унга тарихий жароҳатларга қарши курашадиган ва инсон ҳаётининг мўртлигини очиб берадиган таъсирли шеърий насри учун берилди.
Ёзувчи 2016 йилда «Вегетариан» романи учун Халқаро Букер мукофотини қўлга киритган.
Эслатиб ўтамиз, 2023 йилги адабиёт бўйича Нобел мукофоти норвегиялик ёзувчи, шоир ва драматург Юн Фоссега «айтиб бўлмайдиганларни сўзлатадиган новаторлик пьесалари ва прозаси учун» берилганди.
Маълумот учун, 2024 йилда Нобель мукофотига тиббиёт ва физиология бўйича генлар фаолиятини бошқарувчи микроРНК молекулаларини кашф этган Виктор Амброс ва Гари Рувкун, физика бўйича сунъий нейрон тармоқларидан фойдаланишдаги ихтиролари учун Жон Хопфилд ва Жеффри Хинтон, кимё бўйича сунъий интеллектдан фойдаланиб, оқсиллар тузилишини аниқлагани ва янги турларини яратишдаги ишлари учун Дэвид Бейкер, Демис Хассабис ва Жон Жумпер лойиқ кўрилди.
11 октябр куни тинчлик мукофоти, 14 октябрда эса Альфред Нобель хотирасига иқтисод бўйича мукофот топширилади.
