Сурхондарёда ҳайдовчиси қўл тормозини кўтармаган «Жигули» каналга тушиб кетди (фото).
Сурхондарёнинг Жарқўрғон туманида «Жигули» каналга тушиб кетди. Бу ҳақда Фавқулодда вазиятлар вазирлиги ахборот хизмати хабар берди.
Маълум бўлишича, ҳодиса соат 09:00 атрофида туманнинг Гулистон МФЙ ҳудудида содир бўлган. Аниқланишича, ушбу кўчада яшовчи фуқаронинг «ВАЗ-2106» русумли автомашинаси каналга тушиб кетган ва бу тўғрисида ФВБга хабар келиб тушган.
Қутқарувчилар зудлик билан айтилган манзилга етиб бориб, махсус техника ва асбоб-анжомлар ёрдамида автомобиль каналдан чиқариб олган. Автомобилда ҳеч ким бўлмаган. Маълум бўлишича, ҳайдовчи автомобилни қўл тормозини кўтаришни унутган.
