“Барселона” 2025 йилда Лионель Мессига маош тўлашни тўхтатади.
Mundo Deportivo нашрининг хабарига кўра, каталонияликлар Месси, Серхио Бускетс ва Жорди Альбаларга ҳамон маош тўлашда давом этмоқда. Клубнинг коронавирус пандемияси вақтида кечиктирган тўловлари бор.
Қарзнинг умумий миқдори 2020/21 йилги молиявий ҳисоботларга киритилади, бу эса “Барселона”нинг жорий йилдаги иш шароитларига таъсир қилмайди.
Жорий йилнинг якунига қадар қарзлар тўлиқ тўланади.
Эслатиб ўтамиз, Месси 2021 йилда, Альба ва Бускетс эса 2023 йилда “кўк-анорранглилар” сафини тарк этганди. Уларнинг барчаси ҳозирда АҚШнинг “Интер Майами” клуби шарафини ҳимоя қилади.