“Манчестер Юнайтед”нинг эгаларидан бири ҳисобланган Британиянинг Ineos компанияси “қизил иблислар”нинг собиқ бош мураббийи, клуб элчиси лавозимини эгаллаб турган Алекс Фергюсон билан шартномани бекор қилишга қарор қилди. Бу ҳақда Атҳлетиc нашри хабар бермоқда.
Манбага кўра, Фергюсон клубнинг “фахрий” директори бўлиб қолади ва “Манчестер Юнайтед”нинг ўйинларига доимий таклиф этилади. Шотландиялик мураббий 26 йил давомида “Манчестер Юнайтед”ни бошқарган ва шу вақт ичида клуб учун рекорд даражадаги совринларни қўлга киритган. Унинг даврида клуб 13 марта Премьер Лига бош соврини ва 2 марта Чемпионлар лигаси ғолиблигини қўлга киритган.
Қизиқарлиси, “Манчестер Юнайтед” Фергюсон даврида ўзининг 100 йиллик тарихидагидан кўпроқ соврин ютган. Ҳозирги пайтда “қизил иблислар”га айни дамда Эрик тен Ҳаг устозлик қилмоқда.
Жорий мавсумда жамоа 7 учрашувда 8 очко тўплаган ҳолда 14-ўринда бормоқда.