НАТО бош котиби Марк Рютте Германиянинг Висбаден шаҳрида Украина ҳарбийларини Хавфсизликка кўмаклашиш ва тайёрлаш бўйича альянснинг (NSATU) янги қўмондонлигига ташриф буюрди. Унинг сўзларига кўра, янги қўмондонлик Украина учун муҳим аҳамиятга эга бўлади.
НАТО сайтидаги хабарда айтилишича, қўмондонлик Украинага ҳарбий ёрдам етказилишини мувофиқлаштиради. Альянснинг шарқий қанотидаги Висбаден базаси ва логистика марказлари 700 нафар ходимни тайёрлайди.
NSATU қўмондонлигини яратиш тўғрисидаги қарор июль ойида бўлиб ўтган НАТО саммитидан сўнг қабул қилинган. Бунгача қурол-яроғ етказиб беришни мувофиқлаштириш АҚШ молия вазирлиги бошчилигидаги гуруҳ томонидан амалга оширилган.
Аввалроқ НАТО бош котиби Марк Рютте Россия альянсни қўрқита олмаслигини айтиб ўтганди.
2024 йил октябрида НАТО бошқарувини қўлга олган Рютте Киевнинг НАТО бўйича иттифоқчилари можарода “Россия президенти Владимир Путин ўз мақсадларига эришмаслиги ва Украина ғалаба қозониши” учун қўлидан келганича ҳаракат қилишини маълум қилди.