16 октябрь куни Тошкент вақти билан соат 23:56 да (Гринвич бўйича 18:56 да) Афғонистонда зилзила содир бўлди. Бу ҳақда ФВВ Сейсмопрогностик мониторинг Республика маркази хабар бермоқда.
Зилзила координаталари: 36,56 градус шимолий кенглик; 70,54 градус шарқий узунлик. Магнитуда — М 5,8. Чуқурлик — 200 км.
Зилзила эпицентри Тошкентдан 536 км жанубий-шарқда.
Зилзила Ўзбекистоннинг Сурхондарё вилоятида 2 балл куч билан кучли сезилган.
Аввалроқ сентябрь ойи бошида Тошкентда 3,6 магнитудали зилзила содир бўлгани ҳақида хабар берилган эди.