Дам олиш кунлари Ўзбекистон ҳудудининг катта қисмида илиқ ва асосан қуруқ об-ҳаво сақланиб туради, дея хабар бермоқда Ўзгидромет.
Ҳаво ҳарорати аста-секин кўтарилади ва 20 октябрга келиб кечаси +10…+12 даражани, кундуз куни +25…+28 даражани ташкил этади.
Фақат 19 октябрда Қорақалпоғистон Республикасининг айрим жойларида ёмғир ёғиши мумкин. 20 октябрда эса ёмғир Қорақалпоғистон Республикаси ва Хоразм вилоятида баъзи жойларда ёғади.
Шамол 7−12 м/с тезликда эсади, шимолда ва чўл ҳудудларда 13−18 м/с гача кучайиши мумкин.
Тошкент шаҳрида ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол шарқдан 3−8 м/с тезликда эсади.
Ҳарорат 19 октябрда кечаси +6…+8, кундузи +23…+25, 20 октябрда кечаси +9…+11, кундузи +25…+27 даража бўлади.
