Футбол бўйича Испания Ла Лигаси 10-турида “Барселона” 20 октябрь, якшанба куни “Севилья”ни қабул қилди.
Учрашувнинг 24-дақиқасида Роберт Левандовски пенальтидан унумли фойдаланиб, ҳисобни очди. 28-дақиқада Педри узоқдан ажойиб зарба билан ҳисобни ишончли кўринишга олиб келди.
39-дақиқада Рафиньянинг зарбаси Левандовскига тегиб, йўналишини ўзгартирди ва дарвозадан жой олди.
Иккинчи бўлимда ҳам “кўк-анорранглилар”нинг ҳужумлари давом этди. 82-дақиқада Пабло Торре ҳисобни янада йириклаштирди. 87-дақиқада Музамбо ҳисобни қисқартиришга муваффақ бўлди.
88-дақиқада Пабло Торре дубль қайд этиб, ўйинга якуний нуқтани қўйди.
Шу тариқа “Барселона” 5:1 ҳисобидаги ғалабани расмийлаштирди.
Ла лига
10-тур
20 октябрь, якшанба
“Барселона” – “Севилья” 5:1
Голлар: 1:0 – 24 Левандовски (пенальти), 2:0 – 28 Педри, 3:0 – 39 Левандовски, 4:0 – 82 Торре, 4:1 — 87 Музамбо, 5:1 — 88 Торре.
“Барселона”: Пеня, Балде, Мартинес, Кубарси, Кунде, Педри (Гави, 83), Касадо, Фати (Мартин, 76), Рафинья (Лопес, 66), Ямал (Торре, 76), Левандовски (Виктор, 66).
“Севилья”: Нюланд, Педроса (Монтел, 81), Маркао Тейшейра, Баде, Кармона, Гудел, Агуме (Идумбо-Музамбо, 70), Эжуке (Локонга, 45+1), Пеке (Сусо, 46), Лукебакио, Ромеро.
Огоҳлантиришлар: Педроса (45+4), Фати (74).