Президент қарорига мувофиқ, Олимжон Абдуллаев ташқи ишлар вазири ўринбосари этиб тайинланди. Бу ҳақда вазирлик матбуот хизмати хабар берди.
О. Абдуллаев кўп йиллар давомида Ташқи ишлар вазирлиги тизимида ишлаган.
У тайинловга қадар 2021—2024 йилларда Ўзбекистоннинг Франкфурт-Майн шаҳридаги (Германия) бош консули лавозимида ишлаган.
Аввалроқ 2023—2024 йилларда Ўзбекистон ташқи ишлар вазирининг ўринбосари лавозимида ишлаган Раҳматулла Нуримбетов Ўзбекистоннинг Швециядаги элчиси этиб тайинланган эди.