Ғазо секторидан Исроилнинг марказий ва жанубий қисмига ўнлаб ракеталар учирилди
Эрта тонгда мамлакатнинг бир қанча ҳудудларига ракеталар учирилди, кўплаб шаҳарларда, жумладан Тел-Авивда сиреналар овози эшитилди. Хабар қилинишича, ракеталар Явне, Ашкелон ва Кфар-Авив осмонида уриб туширилган.
Явне шаҳрида уриб туширилган ракетанинг парчаси 20 ёшли йигитни яралаган. Ашкелондаги бинога зарар етказилгани ҳақида ҳам хабар берилган; шаҳар аҳолиси ёнғин ва вайрон бўлган машиналар суратларини ижтимоий тармоқларга тарқатишди.
