Футбол бўйича 2023 йилги Ўзбекистон чемпиони номи муддатидан аввал, Суперлига учрашувлари якунланишига уч тур қолганида маълум бўлди. Чемпионлик тақдирини ҳал қилган учрашув Суперлига 23-тури доирасида 1 ноябрь куни Тошкент вилоятидаги «Дўстлик» стадионида Тошкентнинг «Локомотив» ва Қаршининг «Насаф» жамоалари ўртасидаги бўлиб ўтди.
Учрашувнинг 35-дақиқасида бош ҳакам Аҳрол Рисқуллаев «Локомотив»нинг сербиялик ҳимоячиси Иван Рогачни майдондан четлатли. 73-дақиқада эса «Насаф»нинг етакчи футболчиларидан бири Акмал Мозговой чалқанча услубда берган зарбаси билан ҳисобни очди. Ушбу гол ўйин охиригача ягоналигини сақлаб қолди.
Ушбу ғалабадан сўнг Суперлига пешқадами ҳисобланган «Насаф» ва унинг энг яқин таъқибчиси ОКМК ўртасидаги очколар фарқи 13 тага етди. ОКМК ўз ихтиёрида қолган тўртта ўйиннинг барчасида ғалаба қозонса ҳам, бу фарқни йўққа чиқара олмайди. Шу тариқа, «Насаф» ўз тарихида илк бор Ўзбекистон чемпиони унвонини қўлга киритди.
Шунингдек, 2001 йилдан бери биринчи марта пойтахтники бўлмаган клуб футбол бўйича Ўзбекистон чемпионлигини қўлга киритди. Ўшанда Фарғонанинг «Нефтчи» клуби буни уддалаганди. 2002 йилдан бошлаб фақат Тошкент клублари Ўзбекистон чемпиони бўлган. Хусусан, 15 марта «Пахтакор» (2002, 2003, 2004, 2005, 2006, 2007, 2012, 2013, 2015, 2019, 2020, 2021, 2022, 2023), 5 марта «Бунёдкор» (2008, 2009, 2010, 2011, 2013) ва 3 марта «Локомотив» (2016, 2017, 2018) чемпион бўлган.
«Насаф» чемпионлик орқали ОФК Элит Чемпионлар лигасининг 2025/2026 йилги мавсумига йўлланмани қўлга киритди.
