Статистика агентлиги: Тошкент метрополитенида 1 кунда ўртача 700 минг нафарга яқин йўловчи ташилади.
Статистика агентлиги ахборот хизмати Тошкент метрополитенида кунлик йўловчи ташиш кўрсаткичларини эълон қилди.
Маълумотларга кўра, 2024 йилнинг январь-сентябрь ойларида Тошкент метрополитенида бир кунда ўртача 693,9 минг нафар йўловчилар ташилган.
Ушбу кўрсаткич 2023 йилнинг мос даврида ташилган йўловчилар сонига нисбатан 62,9 фоизга кўпдир.
Аввалроқ 2024 йилнинг январь-июнь ойларида метрода 131,9 миллион йўловчи ташилгани хабар қилинганди. Бу кўрсаткич 2023 йилнинг мос даврига нисбатан 50,9 млн нафарга ошган.