Тошкентнинг Мирзо Улуғбек туманида Tracker-2 автомашинаси ёниб кетди (видео).
Тошкент шаҳри Мирзо Улуғбек туманида 8 ноябрь куни Tracker-2 автомашинаси ёниб кетди. Бу ҳақда пойтахт Йўл ҳаракати хавфсизлиги бошқармаси хабар берди.
Маълум бўлишича, ҳодиса соат 10:43 ларда туманидаги Янги Ўзбекистон кўчасида содир бўлган. Tracker-2 русумли автомобилда ёнғин чиққан. Воқеа жойига зудлик билан етиб келган туман ФВБ ходимлари ёнғинни бартараф этган.
Ҳодисадан жабрланганлар йўқлиги қайд этилган. Йўл ҳаракати хавфсизлиги бошқармаси ва Фавқулодда вазиятлар бошқармаси ходимлари ёнғиннинг келиб чиқиш сабабларини ўрганиш ишларини олиб бормоқда.