19 ноябрь куни бўлиб ўтган Олий Мажлис Сенатининг биринчи ялпи мажлисида янгиланган еттита қўмита ва битта комиссия тузилди. Шунингдек, олтита қўмитага раислар сайланди.
Сенатнинг янги таркибига Хотин-қизлар ва гендер тенглиги қўмитаси киритилмади, унинг ўрнига Одоб-ахлоқ комиссияси тузилди.
Қуйидагилар қўмиталар раислари этиб сайланди:
Эркин Гадоев — Бюджет ва иқтисодий масалалар қўмитаси.
Абдулхаким Эшмуратов — Суд-ҳуқуқ ва коррупцияга қарши курашиш масалалари қўмитаси.
Қутбидин Бурханов — Мудофаа ва хавфсизлик масалалари қўмитаси.
Бахром Абдуллаев — Фан, таълим ва соғлиқни сақлаш масалалари қўмитаси.
Орзигул Қозихонова — Ёшлар, маданият ва спорт масалалари қўмитаси.
Анвар Туйчиев — Аграр, сув хўжалиги ва экология қўмитаси.
Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси ҳақида ҳозирча маълумот берилмаган.
Аввалроқ Танзила Нарбоева Сенат раиси этиб қайта сайланган эди. Унинг биринчи ўринбосари Содиқ Сафоев, ўринбосари Аманбай Оринбаев ҳисобланади.
