Дамашқнинг Жарамана туманида Суриянинг ҳозирги президентининг отаси — Ҳафиз Асадга ўрнатилган ёдгорлик ағдариб ташланди.
Ушбу туманда асосан фаластинликлар ва друзлар истиқомат қилади. Друзлар аввалги урушда Асад томонида террорчиларга қарши жанг қилган.
Араб матбуоти ёзишича, Сурия қўшини Дамашқдан 10 километр олисдаги Муадамият аш-Шама шаҳрини ташлаб чиққан.
Ҳозирда Дамашқ радикал исломчилар, мухолифат ва курдлар томонидан ўраб олинган, дейилмоқда.
Айни пайтда Қатардаги «Остона формати»да Туркия, Эрон ва Россия томонидан Сурия тақдири муҳокама қилинмоқда.