“Ливерпуль” “Ювентус”нинг 19 ёшли вингери Кенан Йилдизга қизиқиш билдирмоқда. У 32 ёшли вингер Муҳаммад Салоҳга ўринбосар сифатида кўрилмоқда. Бу ҳақда Caught Offside нашри хабар бермоқда.
Манбага кўра, “Кекса синёра” туркиялик футболчини сотишни хоҳлаётгани йўқ. Шунга қарамай, унинг учун 80 миллион евролик таклифларни кўриб чиқишга тайёр. Йилдизнинг ўзи эса “Ювентус”да ўйнаётганидан хурсанд.
Маълумот учун, жорий мавсумда Кенан Йилдиз барча турнирларда 20 та учрашувда қатнашиб, 4 та гол ва 3 та голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 40 миллион еврони ташкил қилади.