MKBANK ходимлари ўртасида Конституция кунига бағишланган «Заковат» интеллектуал ўйини бўлиб ўтди.
Абдурасул Абдуллаев бошчилигида «Заковат арена»да ўтказилган мазкур ўйинда MKBANKнинг республикамиздаги барча ҳудудий бошқармалари, БХО ва БХМлари ҳамда Бош офис ходимларидан ташкил топган энг кучли жамоалари беллашди.
30 га яқин жамоа иштирок этган билимлар беллашувида банкирлар нафақат ўз заковатларию зукколигини намойиш этишди, балки жамоавий аҳиллик, дўстлик ҳамда ўзаро самимий мулоқотнинг натижасини кўрсатишди.
Айниқса, 1 ва 2-тур ўртасида берилган танаффусда банк жамоаси бир стол атрофида яқиндан танишиш, фикр алмашиш имконига эга бўлди.
Ҳаяжонли, ҳиссиётларга тўла ва кутилмаган саволларга бой ўтган ақл жангида ғолибликка эришган жамоалар эсдалик совғалари, диплом ва медаллар билан тақдирланди.
Бундай анъана, яъни билимлар беллашуви MKBANK томонидан мунтазам ўтказиб келинмоқда, бироқ бу галги «Заковат» интеллектуал ўйини барча жамоалар иштирокчиларида ўзгача ва катта таассурот қолдирди, десак адашмаймиз.