Дин ишлари бўйича қўмита ноқонуний тарзда Умра тадбирларини ташкил этиш билан шуғулланган фирмалар фаолияти юзасидан чора кўрилгани ҳақида хабар берди.
Нима аниқланди?
- Саудия Арабистонига ташриф буюрган, аммо Макка шаҳрига киритилмаган ва қайтиш авиачиптасига эга бўлмаган 93 нафар ўзбекистонлик ва тожикистонлик фуқародан шикоят келиб тушган.
- Бу зиёратчилар Yusro tour, Muslim travel, Meta travel ва Elchi travel фирмалари томонидан юборилган. Меҳмонхонага тўловлар амалга оширилмагани ва фирмаларнинг Саудиядаги меҳмонхоналарга 35 минг АҚШ доллари қарзи борлиги аниқланган.
Қонунбузарликлар:
- Учкўприкда лицензиясиз Ultra Parvoz турфирмаси ноқонуний сафарларни ташкил этган.
- Тошкентдаги Yasin travel 74 нафар фуқарони ноқонуний равишда Умра сафарига юборган. Уларга нисбатан Жиноят кодексининг 168-моддаси (фирибгарлик) билан иш қўзғатилган.
- Намангандаги Atlas travel 30 нафар фуқарони ноқонуний равишда Умрага юбориб, 31 минг 900 АҚШ долларини йиғган ва қайтиш чипталарини расмийлаштирмаган.
Қўшимча ҳолатлар:
- Фарғона вилоятида Маhdiy Travel, Parvoz Ekspress ва Muhayyo 22−10 фирмалари ҳам лицензиясиз ишлаган. Барча ҳолатлар юзасидан қонуний чоралар кўрилган.