Қашқадарё вилояти Қарши туманида маст ҳолда хотини билан жанжаллашиб, уни қўрқитиб қўйиш мақсадида ўқ узган эркак суд томонидан айбдор деб топилди.
Нима бўлди?
– Маст ҳолдаги эркак уйидаги ов милтиғини олиб чиқиб, қочиб кетаётган хотини томон ерга ўқ узган.
– Сочма ўқ аёлнинг орқа ва сон қисмларига тегиб, уни енгил жароҳатлаган.
– Жабрланувчи шифохонага ётқизилган, эркак эса ИИБ ходимлари томонидан қўлга олинган.
Суд ҳукми
– Эркак судда айбини қисман тан олиб, хотинини жароҳатлаш нияти бўлмаганини, уни фақат қўрқитмоқчи бўлганини айтган.
– Жиноят ишлари бўйича Қарши тумани суди уни Жиноят кодексининг 126-1-моддаси 3-қисми билан айбдор деб топиб, бир йил озодликдан маҳрум қилиш жазосини тайинлади.