Дамашқ марказий қамоқхонасининг собиқ бошлиғи Самир Усмон ал-Шайх маҳкумларни қийнашда айбланмоқда, қилмиши учун 100 йилдан ортиқ муддатга қамалиши мумкин. Бу ҳақда Fox News телеканали хабар берди.
72 ёшли айблануви Суриядаги қамоқхонани 2005–2008 йилларда бошқарган. Суд келтирган далилларга кўра, у қўл остидаги ходимлардан «сиёсий ва бошқа тутқунларга оғриқ ва азоб бериш»ни талаб қилган.
Самир Усмон ал-Шайх 2020 йилда АҚШга кўчиб кетган, орадан уч йил ўтиб фуқаролик беришни сўраб мурожаат қилган. Қўшма Штатларда яшаш ҳуқуқига эга бўлиш учун содир этган жиноятларини яширган.