Сергели туманида овқатланиш шохобчаси ёниб кетди.
Бугун 13 декабрь куни соат 16:12 да Тошкент шаҳар Сергели тумани, Янги Сергели кўчасида жойлашган умумий овқатланиш жойида, ёнғин содир бўлаётгани тўғрисида, Тошкент шаҳар ФВБга хабар тушган.
Шунга кўра, ёнғин-қутқарув техникалари этилган манзилга соат 16:19 да етиб бориб, ёнғин қуршаб олиниб, ёнғин соат 16:32 да ўчирилган.
Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар аниқланмоқда.