Бош прокуратура Қашқадарёда ота ва унинг уч нафар фарзанди вафот этгани бўйича қўшимча маълумот берди.
Қарши шаҳрида бир неча оила аъзолари вафот этганлиги ҳолати юзасидан терговга қадар текшириш ҳаракатлари олиб борилмоқда. Бу ҳақда Бош прокуратура матбуот котиби Ҳаёт Шамсутдинов маълум қилди.
Қайд этилишича, текшириш доирасида марҳумларнинг ўлим сабабларини аниқлаш мақсадида суд-тиббиёт экспертизаси тайинланган. Суд-тиббиёт экспертизасининг маълумотига кўра, марҳумларнинг ўлими «ис газидан ўткир захарланиш»дан келиб чиққанлиги кўрсатилган.
«Текшириш давом этмоқда», дейилади хабарда.