• Вт. Фев 11th, 2025

Дунё ўзбеклари

Журналист Исмат Хушевнинг мустақил интернет-газетаси

Роналду Саудия Арабистони чемпионатини Францияникидан кучли деди. Адил Рами унга жавоб қайтарди


Саудия Арабистонининг “Ал-Насср” ва Португалия терма жамоаси ҳужумчиси Криштиану Роналду Globe Soccer Awards-2024 маросимида Саудия Арабистони чемпионатини Франция чемпионатиникидан кучлироқ деб атади.

Фото: Getty Images

Саудия лигаси Лига 1 дан кучлими? Албатта, бу оддий савол. Буни бу ерда ўйнаётганим учун айтмаяпман. Менга одамларнинг нима ўйлаётгани барибир. Бу ерга келинг ва ўйнанг.

Францияда фақат “ПСЖ” бор, қолганлар ҳеч нарса эмас. Майли, бошқа жамоалар рақобат қилишмоқда, аммо “ПСЖ” кучлироқ, уларда энг зўр ўйинчилар. Бу факт. Одамларнинг нега ҳайрон қолишини тушунмайман, деди 39 ёшли ҳужумчи.

Кейинроқ Франциялик собиқ ҳимоячи Адил Рами Роналдунинг ушбу гапларига жавоб қайтарди.

Фото: Getty Images

Роналду аҳмоқона гаплар гапиряти. Ажойиб фаолиятга эга бўлса-да, унинг ҳар айтган гапи ҳақиқат бўлавермайди. Менимча, бу реклама эди. У кичик жамоасини “Монако”, “Лилль”, “Марсель” ёки “Брест”га қарши ўйинда синаб кўрсин. Лига 1 ҳимоячилари машинадек. Роналду уларга қарши ўйнаса, ем бўлади.

Мен Роналдунинг мухлисиман, аммо у хато қилди. Шундай давом этса, кўпчиликни ўзидан узоқлаштиради, дейди Рами.



Манба

Добавить комментарий

Ваш адрес email не будет опубликован. Обязательные поля помечены *