• Вт. Фев 11th, 2025

Дунё ўзбеклари

Журналист Исмат Хушевнинг мустақил интернет-газетаси

Аёлининг танасига пичоқ билан зарар етказган санитарга ҳукм ўқилди


Қоракўл туманидаги «Мурувват» ногиронлиги бўлган шахслар учун эркаклар интернат-уйида санитар бўлиб ишлаб келаётган фуқаро А.Э. турмуш ўртоғи М.Ж. танасининг турли қисмларини қурилиш пичоғи билан кесиб, уни ўлдириш билан қўрқитган.

Жиноят ишлари бўйича Қоракўл тумани суди томонидан унга нисбатан 3 йил муддатга озодликдан чеклаш жазоси қўлланилди.

Ҳолатга кўра, фуқаро М.Ж. ўзи ва рўзғор харажатлари учун турмуш ўртоғи А.Э.дан пул сўраган. А.Э. хотинига пул бермаслигини, бу пулларни уй-жой тўловлари учун сарфлашини айтган. Бироқ, рўзғордаги етишмовчиликни қоплаш ва икки нафар фарзандига зарур кийим-бошлар олиш учун М.Ж. сўроқсиз, аммо, унинг маълум миқдорини ишлатиш учун турмуш ўртоғининг пластик картасини ўзи билан олиб кетган. Жазавага тушган А.Э. хотини М.Ж.нинг ишхонасига бостириб борган ва эр-хотин қаттиқ жанжаллашишган. Хотинини ножўя сўзлар билан ҳақорат қилган. Ва хотинини қўрқитиб қўйиш учун унга тарсаки туширган, аёл йиқилиб тушган ва йиғлаб, эрини ҳақоратлаган. Баттар жаҳлланган эр эса ерда ётган қурилиш пичоғи (абой нож)ни олиб, хотинига таҳдид қилган. М.Ж.нинг қўл ва бўйин қисми терисини кесган. Чап қўл 4, 5-бармоқлари ёзувчи пайини жароҳатлаб, чап қўл панжа, чап қўл билак, пастки лаб остидаги ва бўйин соҳалариниям пичоқ санчиб кесиб, унга ўрта оғир тан жароҳатлари етказган. Хотинининг қўл ва бўйнидан қонлар оқаётганини кўрган А.Э. ўзи қўрқиб қолган ва биринчи тиббий ёрдам бермай, воқеа жойида қочган.

Совуқ қурол сифатида фойдаланилиш мумкин бўлган қурилиш пичоғидан ўта шафқатсизлик билан фойдаланган А.Э. судда ўз айбига иқрор бўлган. Ўзбекистон Республикаси ЖКнинг тегишли моддалари билан айбланган А.Э.га нисбатан уч йил муддатга озодликни чеклаш жазоси тайинланди.

 

 

 

 



Манба

Добавить комментарий

Ваш адрес email не будет опубликован. Обязательные поля помечены *