Ўзбекистон миллий терма жамоаси ва Римнинг “Рома” клуби ҳужумчиси Элдор Шомуродовга Италиянинг бр нечта клублари қизиқиш билдирмоқда.
“Ромапресс”га кўра, Ўзбекистонлик ҳужумчи “Кальяри”дан қайтгач, ўзини кўрсата олмагани боис катта эҳтимол билан ижарага берилади.
“La Gazzetta dello Sport” нашри унга “Эмполи”, “Кальяри” ва «Венециа” клублари қизиқиш билдираётганини маълум қлди.
Тез орада “Кальяри” 29 ёшли футболчи трансфери юзасидан музокараларни бошлаши кутилмоқда.
Элдор 2023—24 йилги мавсумни ушбу клуб сафида ўтказган ва 24 ўйинда майдонга тушган ва 3 та гол ҳамда битта голли узатмани амалга оширган.
Шунингдек, Шомуродов “Рома” сафида жами 62 ўйинда қатнашиб, 8 та гол урган ва 7 та голли пас берган. “Transfermarkt” портали Ўзбекистон термаси сардорининг бозор қийматини 4 миллион еврога баҳолаган. Футболчининг Рим клуби билан шартномаси 2026 йил ёзигача амал қилади.