АҚШ 39-президент Жимми Картер билан видолашди. Дафн маросимига Байден, Трамп, Обама, Буш ва Клинтон ташриф буюрди.
29 декабр куни 100 ёшида оламдан ўтган Жимми Картер АҚШ тарихидаги энг узоқ умр кўрган президентдир.
Картер билан видолашув маросими 4 январда Атлантада бошланиб, Вашингтонда давом этди. Конгрессменлар ва жамоатчилик видолашиши учун собиқ президентнинг тобути Капитолийдаги марказий залга келтирилди.
9 январ санасида ўтказилган дафн маросимига АҚШнинг беш президенти: давлатнинг амалдаги раҳбари Жо Байден, сайланган президент Доналд Трамп, 44-президент Барак Обама ҳамда Жорж Буш (Кичик) ва Билл Клинтон ташриф буюрди.