Шу билан бирга, Урганч туманида 2 миллиард сўмдан зиёд табиий газдан ноқонуний фойдаланган МЧЖ аниқланди.
Наманган шаҳрида табиий газдан ноқонуний фойдаланиш ҳолати аниқланди, деб хабар берди “Ҳудудгазтаъминот” АЖ матбуот хизмати.
Маълум қилинишича, Наманган шаҳрининг Намуна кўчасида истиқомат қилувчи фуқаро Р.З.га қарашли новвойхонада газ таъминоти ташкилоти билан шартнома тузмасдан, табиий газдан ноқонуний фойдаланиб келган.
Ҳолат юзасидан далолатнома тузилиб, газ сарфи қайта ҳисоб-китоб қилинди ва 362,5 миллион сўмлик зарар ҳисобланди.
Тўпланган барча ҳужжатлар ҳуқуқни муҳофаза қилувчи органларга юборилди.
Бундан ташқари, Самарқанддаги новвойхонада 621 млн сўмлик газдан ноқонуний фойдаланилди.