Португалия терма жамоасининг собиқ бош мураббийи Фернанду Сантуш Криштиану Роналдуни ЖЧ-2026 да иштирок этиши ҳақида гапирди.
Мутахассисга кўра, Роналду ҳали ҳам дунёнинг энг яхши футболчиси.
“Тўғрисини айтсам, мен у охиригача шундай юқори даражада тўп тепишини аввалдан билардим. У ҳали бўлажак жаҳон чемпионатида иштирок этиб, Португалия яна бир титул ютиши учун бор кучини ишга солишига ишонаман. Криштиану – дунёнинг энг яхши футболчиси. Бошқа гап бўлиши мумкин эмас”, – дейди у.
Маълумот учун, Сантуш 2014–2022 йилларда Португалия терма жамоаси мураббийи лавозимида фаолият олиб борган. Унинг даврида терма жамоа Евро-2016 ғолиби бўлган.