«Ўзкомназорат» инспекциясига раҳбар тайинланди. Бу ҳақда Рақамли технологиялар вазирлиги хабар берди.
Президент қарори билан Рустамов Фаррух Шорухович Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси бошлиғи лавозимига тайинланди.
У 2022 йил апрелидан буён инспекцияга раҳбарлик қилиб келган Аъзам Абдуллаев ўрнини эгаллади.
Фаррух Рустамов 2024 йил январидан буён Uzmobile мобил оператори филиали директори лавозимида ишлаб келаётганди. Бундан ташқари, у Тошкент шаҳар телефон тармоғи Марказий телефон алоқа маркази бошлиғи, Тошкент шаҳар телефон тармоғи филиали директори ва бошқалар лавозимларида ҳам ишлаган.