• Вс. Фев 16th, 2025

Дунё ўзбеклари

Журналист Исмат Хушевнинг мустақил интернет-газетаси

Путин Трампнинг қўнғироғига тайёр


Россия президенти Владимир Путин АҚШ президенти Доналд Трамп билан гаплашишга тайёр. Бу ҳақда Дмитрий Песков маълум қилди.

«Путин тайёр, биз қўнғироқни кутмоқдамиз. Бу юз берса, сизга хабар берамиз», — дея унинг сўзларини келтирди ТАСС.

Россия ва АҚШ раҳбарларининг бўлажак учрашуви ҳақида ҳам Песков қисқа гапирган: «Қўшимча изоҳимиз йўқ».

Аввалроқ ОАВ Оқ уйда матбуот билан гаплашар экан, аввалроқ Россия президенти билан учрашувга тайёргарлик ҳақида бир неча бор гапирган Трамп “зудлик билан” учрашиш истагини билдирганини хабар қилган эди.

Аввалроқ Путин АҚШнинг янги маъмурияти билан Украина можароси бўйича мулоқотга очиқ эканини маълум қилган эди. Трамп ҳам Путин билан учрашиш истаги борлигини билдирганди.

Песков шунингдек, Москва Вашингтон билан ядровий қуролсизланиш масалалари бўйича музокаралар олиб боришга тайёрлигини, бироқ бунда АҚШнинг иттифоқчилари – Буюк Британия ва Франциянинг ядровий салоҳиятини ҳам ҳисобга олиш зарурлигини айтди.

«Бутун дунё манфаатлари, мамлакатларимиз халқлари манфаатларидан келиб чиққан ҳолда, албатта, биз бу музокара жараёнини имкон қадар тезроқ бошлашдан манфаатдормиз», — дея таъкидлади Кремл вакили.



Манба

Добавить комментарий

Ваш адрес email не будет опубликован. Обязательные поля помечены *