АҚШ ички ишлар вазирлиги президент Доналд Трампнинг фармони асосида бир нечта географик номлар ўзгартирилганини маълум қилди.
Хусусан, бундан буён Қўшма Штатларда Мексика кўрфази Америка кўрфази деб аталади.
Бундан ташқари, Трамп Аляскадаги Денали чўққисига илгариги номини қайтарди. Тоғ чўққиси АҚШнинг 1901 йилда суиқасд қурбони бўлган президенти Уилям Мак-Кинли шарафига бундан буён яна Мак-Кинли деб аталади.
Reuters қайд этишича, Мексика кўрфазининг америкача янги номи халқаро миқёсда тан олинмаслиги мумкин.