Халқаро дзюдо федерацияси (IJF) 2024 йилнинг энг яхшиларини эълон қилди.
Дзюдо бўйича Париж «Катта дубулға» турнири доирасида ўтган тадбирда Олимпия ўйинлари чемпиони Диёра Келдиёрованинг Олимпиадада япониялик Ута Абе устидан қозонган ғалабаси «Йил воқелиги» номинациясида ғолиб деб топилди.
Шунингдек, Марко Шпиттка Ўзбекистон аёллар терма жамоасидаги иши учун «Аёллар терма жамоаларининг энг яхши мураббийи» номинациясини ютиб олган.
Эслатиб ўтамиз, аввалроқ IJF’нинг 2024 йил якунларига кўра энг яхшиларни аниқлаш борасида эълон қилган йўналишларида ўзбек дзюдосига алоқадор яна 3 та номзод ҳам бор эди.
Улар:
- Болалар учун дзюдо: Ўзбекистон дзюдо федерациясининг ташаббуси билан ташкил этилган «judogirls.uz» лойиҳаси;
- Йилнинг энг яхши аёл дзюдочиси: Диёра Келдиёрова;
- Йил иппони: Муҳаммад Жумаевнинг Душанбе «Катта дубулға» турниридаги усули.