Тошкентнинг Юнусобод ва Чилонзор туманларида 7 февраль куни электр таъминоти вақтинча ўчирилади. Бу ҳақда “Тошкент шаҳар электр тармоқлари” МЧЖ матбуот хизмати хабар берди.
Бунга электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишлари олиб борилиши сабаб бўлади.
- Юнусобод тумани: “Обод”, “Отчопар-1” ҳамда “Отчопар-2” МФЙларининг айрим ҳудудларида соат 00:00 дан 06:00 гача;
- Чилонзор тумани: “Катта Чилонзор-2” МФЙнинг айрим ҳудудларида соат 10:00 дан 16:00 гача.
Мазкур ҳудудларда таъмирлаш ишлари белгиланган вақтдан аввалроқ якунланиши мумкин.