Лондоннинг Гатвик аэропортидан Кабо-Вердега учаётган Tui авиакомпанияси самолёти оққушлар галаси билан тўқнашиб, фавқулодда қўнишга мажбур бўлди.
Ҳодиса самолёт ҳавога кўтарилиш вақтида, тахминан 300 метр баландликда бўлганида содир бўлган.
Манбаларга кўра, тўқнашув тахминан 300 км/соат тезликда содир бўлган. Қушлар самолётнинг олд ойнаси ва электрон тизимларини шикастлаб, учувчиларни майдай чақиришга мажбур қилган. Муваффақиятли қўнишдан сўнг экипаж эскортни талаб қилди, чунки ёриқлар ва қон излари туфайли олд ойнадан кўриш деярли имконсиз эди.
«Учувчилар энг оғир шароитларда ҳам ҳайратланарли ишни бажаришди», — дейди мутахассислар.
Самолётни таъмирлаш жуда қимматга тушиши кутилмоқда ва у бир неча ҳафта давомида хизмат кўрсатмайди.