Олий суд 2024 йилда йилда маст ҳолда автомобил бошқариш билан боғлиқ кўрилган ишлар тўғрисида маълумот берди.
Унга кўра, ўтган йил давомида транспорт воситаларини маст ҳолда бошқариш (МжТКнинг 131-моддаси) ҳамда транспорт воситалари ҳайдовчиларининг ва йўл ҳаракати бошқа иштирокчиларининг мастлиги ёки маст эмаслигини аниқлаш учун текширувдан ўтишдан бўйин товлаши (МЖтКнинг 136-моддаси) билан боғлиқ маъмурий ҳуқуқбузарликлар бўйича 32 999 нафар шахсга нисбатан 32 723 та иш кўриб тамомланган.
Шундан 31 351 нафар шахсга нисбатан жарима, транспорт воситасини бошқариш ҳуқуқидан маҳрум этиш ва маъмурий қамоққа олиш каби маъмурий жазолар қўлланилган.