Маълумот учун, Transparency International 2021 йилги рейтингида Ўзбекистон 2020 йилга нисбатан 6 поғонага кўтарилиб, 180 мамлакат орасида 140-ўринни эгаллаганди. Мамлакат 2020 йилда ҳам коррупция даражаси бўйича Transparency International рейтингида ўз ўрнини 7 поғонага яхшилаб, рейтингда 180 та давлат орасида 146-ўринни эгаллаганди.
Transparency International халқаро нодавлат ташкилоти томонидан Коррупцияни қабул қилиш индексининг 2024 йил натижалари эълон қилинди. Ўзбекистон ўрни ўзгаришсиз қолди.
Индексдаги 180 та давлат орасида Ўзбекистон 32 балл билан 121-ўринни эгаллади. Мамлакат 2023 йилги индексда ҳам шундай ўринни қўлга киритганди. Ундан аввалги йил эса 126-ўринни қайд этган.
Марказий Осиё давлатларининг ўрни қуйидагича:
- Қозоғистон 88-ўрин (5 поғона юқорилаган)
- Қирғизистон 146-ўрин (5 поғона пастлаган
- Тожикистон 164-ўрин (2 поғона пастлаган)
- Туркманистон 165-ўрин (5 поғона юқорилаган).
2024 йилги индекс шуни кўрсатадики, коррупция дунёнинг ҳар бир қисмида хавфли муаммо ҳисобланади, аммо кўплаб мамлакатларда ижобий ўзгаришлар юз бермоқда. Коррупция иқлим ўзгариши билан боғлиқ ҳаракатлар учун асосий таҳдиддир. У чиқиндиларни камайтириш ва глобал исишнинг муқаррар оқибатларига мослашиш йўлидаги тараққиётга тўсқинлик қилмоқда.
Коррупция — ривожланиб бораётган глобал таҳдид бўлиб, у нафақат тараққиётга тўсқинлик қилади, балки демократиянинг инқирози, беқарорлик ва инсон ҳуқуқлари бузилишининг асосий сабабчисидир. Халқаро ҳамжамият ва ҳар бир мамлакат коррупцияга қарши курашни ўзининг энг устувор ва узоқ муддатли вазифаси сифатида белгилаши лозим.
Бу авторитаризмга қарши туриш ҳамда тинч, озод ва барқарор дунёни таъминлаш учун ғоят муҳимдир. Бу йилги Коррупцияни қабул қилиш этиш индексида аниқланган хавфли тенденциялар глобал коррупцияга қарши курашиш учун ҳозироқ аниқ чоралар кўриш зарурлигини кўрсатмоқда”, дейди Transparency International раиси Франсуа Валериан.