АҚШ президенти Доналд Трамп ва Россия президенти Владимир Путин ўзаро телефон орқали мулоқот қилди.
CNN маълумотларига кўра, президентлар бир ярим соат давомида телефон мулоқоти ўтказган.
Путиннинг матбуот котиби Дмитрий Песковнинг айтишича, Россия президенти Трампни Москвага таклиф қилган ва Украинада узоқ муддатли келишувга музокаралар орқали эришиш мумкинлигига келишиб олган.
«Биз бирга ишлашга, жумладан, бир-биримизнинг мамлакатларига ташриф буюришга келишиб олдик. Шунингдек, тегишли жамоаларимиз музокараларни зудлик билан бошлашига келишиб олдик ва суҳбатни Украина президенти Зеленскийга қўнғироқ қилиб, суҳбат ҳақида хабардор қилишдан бошлаймиз, буни ҳозир қиламан», — деди Трамп.
Қайд этиш жоизки, бу икки давлат раҳбарларининг биринчи расмий қўнғироғидир.