Футбол бўйича Англия чемпионати 25-туридан ўрин олган учрашув бугун, 15 февраль куни бўлиб ўтди. Унда “Манчестер Сити” “Ньюкасл”ни қабул қилиб, йирик ҳисобда ғалаба қозонди.
Учрашувнинг 19-дақиқасида Эдерсоннинг узатмасидан сўнг Мармуш ҳисобни очди. 5 дақиқа ўтиб Гундўғаннинг узатмасини голга айлантирган мисрлик футболчи дублга эришди. 33-дақиқада Мармуш Савинё узатган тўпни голга айлантириб, ярим соат ичида хет-трикка эришди. Бўлим шу ҳисобда якунланди.
Иккинчи бўлимда “Манчестер Сити” хотиржам ҳаракат қилди. “Ньюкасл” эса меҳмонлар дарвозасига бирорта хавф ошира олмади. 84-дақиқада Ҳоланднинг ишончли ҳаракатидан сўнг захирадан ўйинга қўшилган Жеймс ҳисобни якуний 4:0 кўринишига олиб келди.
Шу тариқа Гвардиола шогирдлари 25 турдан сўнг очколари сонини 44 тага етказиб, 4-ўринга кўтарилиб олди.
Ўйинда Абдуқодир Ҳусанов асосий таркибдан ўрин олди ва учрашувда тўлиқ ҳаракат қилди.
“Шаҳарликлар” кейинги учрашувни 19 февраль куни “Реал”га қарши ўтказади. Ушбу жамоалар ўртасидаги дастлабки учрашув “қиролли клуби” фойдасига ҳал бўлганди.